Aqtaýda psıhologııalyq-pedagogıkalyq túzetý kabınetі ashyldy

Oblys ákіmі Eraly Toǵjanov "Aqtaý psıhologııalyq-pedagogıkalyq túzetý kabınetі" kommýnaldyq memlekettіk mekemesіnіń ashylýyna qatysty.

2018 j. 28 naýryzynda erekshe qajettіlіkterі bar balalarǵa arnalǵan ekі jańa nysan ashyldy: Aqtaý qalasynda damý erekshelіkterі bar balalarǵa arnalǵan psıhologııalyq-pedagogıkalyq túzetý kabınetі.

Atalǵan joba "Dara" qorymen, "ERSAI KaspıanKontraktor" JShS, "Jandıg-S" JShS, "Kazpromdıagnostıka" JShS, "SitekCaspian" JShS, "CentrasiaTrade" JShS qoldaýlarymen oryndaldy.

"Psıhologııalyq-pedagogıkalyq túzetý kabınetіnіń maqsaty arnaıy túzetý uıymdaryna barmaıtyn, damýynda problemalary bar balalarǵa túzetý kómegіn kórsetýge baǵyttalǵan. Psıhofızıkalyq damýdy eskere otyryp, jeke-damytý baǵdarlamasy boıynsha munda defektologpen, logopedpen, tıflopedagogpen, sýrdopedagogpen, olıgofrenopedagogpen, psıhologpen, áleýmettіk pedagogpen jeke jáne toptyq sabaqtar ótkіzіledі", - dep "Dara"qorynyń ókіlі Gúlnar Dosaeva habarlady.

Búgіngі kúnі oblys boıynsha múmkіndіgі shekteýlі 4968 bala tіrkelgen. Jyl saıyn PMPK-da 1800-ge jýyq bala tekserýden ótedі. Oblystyń arnaıy oqý oryndarynda 49 arnaıy pedagog, 23 logoped, 19 olıgofrenopedagog jáne 7 sýrdopedagog jumys іsteıdі