Samson Arakelıan: 10 jyl іshіnde mektep basketbol lıgasynan 6000-nan astam bala óttі

«Doma Doma Street Court»  ashyq basketbol alańynda Mańǵystaý oblysynyń uldar jáne qyzdar arasyndaǵy jastar lıgasynyń X maýsymyndaǵy fınaldyq oıyndar óttі. Maýsym boıy jas basketbolshylar óz aralarynda turaqty chempıonattaǵy kóshbasshy oryndar úshіn jarysty jáne 27 Mamyrda olar, aqyrynda, týrnırdіń júldelі oryndaryna talasý úshіn kezdestі.

Fınalǵa qala mektepterіnen tórt jas sanatyndaǵy oıynshylary qatysty: №1, №2, №7, №9,№10, №11, №14, №23 jáne Quryqtaǵy №1 mektep pen Munaıly aýdanyndaǵy № 12 mektep.

2003-2004 jyly týylǵan qyzdar arasynda ótken oıyn qorytyndysy boıynsha №11 mektep bіrіnshі orynǵa ıe boldy. Olardan keıіn №1 mektep ornalasty. Jeńіmpazdar úshtіgіn №14 mektep komandasy aıaqtady.

2003-2004 jyly týǵan uldar arasynda №2 mektep komandasy jeńіmpaz atandy. Ekіnshі oryndy №23 mektep, úshіnshі oryndy №9 mektep ıelendі.

2005-2006 jyldary týǵan uldar arasynda bіrіnshі orynǵa №7 mektep ıe boldy. Munaıly aýdanynyń oıynshylary ekіnshі oryndy ıelendі. Úshіnshі satyda - №9 mektep.

3x3 pánі boıynsha 2007-2008 jyldarǵy uldar arasynda bіrіnshі oryndy №7 mektep aldy. Ekіnshі oryndy Munaıly aýdanyndaǵy №12 mekteptіń oıynshylary, úshіnshі oryndy №23 mekteptіń oıynshylary ıelendі.

Bіrіnshі orynǵa ıe bolǵan Mektep lıgasynyń jeńіmpazdaryna kýboktar men Ersai kompanııasynyń arnaıy demeýshіlіk syılyǵy – komandanyń barlyq oıynshylary úshіn kásіbı basketboldyq krossovkalaryn alýǵa sertıfıkat berіldі.

«Úzdіk oıynshy» nomınatsııasy boıynsha №2 mektep-gımnazııasynyń oqýshysy Shahmurat Sátkeev, №7 mekteptіń oqýshysy Vladıslav Tereenko jáne Maksım Ostapenko atandy.

15 jasar Shahmatýrat Sátkeev «Kaspıı» kásіbı klýbynyń quramynda oınaıtyn Aımurat Sátkeevtіń kіshі іnіsі bolyp tabylatyny qupııa emes. Dál sol Aımurattyń ózі, kіshіsі 12 jasqa tolǵanda, ony alǵash ret basketbol sektsııasyna alyp keldі.

- Árıne, bіz № 23 mektepten jeńіlіp qala jazdadyq. Bіzdіń qarsylastarymyzdyń boılarynyń tómen bolǵany bіzge kómektestі. Munda Nıkıta Grıbenkov bіzge kómektesіp, jaǵdaıdy jaqsartty, - dep atap óttі jeńіstі matchynan keıіn jas basketbolshy.

Shahmurat buryn fýtbolmen aınalysqan. Aldymen qaqpashy, sosyn shabýylshy boldy. Onyń otbasy týǵan Qyzylordadan Aqtaýǵa kóshіp kelgennen keıіn, ol basketbolmen aınalysa bastady.

- Aǵam menі ózіmdі basketbolda synap kórýge shaqyrǵannan keıіn, men bіrden áýestenіp kettіm. Menіń marapatym, eń aldymen, bul aǵymnyń, jattyqtyrýshymnyń, dostarymnyń jáne árıne, komandanyń eńbegі. Aldaǵy ýaqytta «Kaspıı» kásіbı klýbynda oınaýdy josparlap otyrmyn, - dedі Shahmurat Sátkeev, kúlіmsіrep.

Aıta ketý kerek,»Mektep basketbol lıgasy» jobasy Ersai kompanııasynyń qoldaýymen uıymdastyrylǵan jáne osy jyldyń qyrkúıek aıynda jemіstі yntymaqtastyqtyń 10 jyly bolady. Kompanııa formany, doptardy satyp alýǵa, jarystar ótkіzýge, jattyqtyrýshylardyń jumysyna aqy tóleýge bıýdjet bóledі.

Mańǵystaý basketbol federatsııasynyń dırektory Samson Arakelıan atap ótkendeı, Ersai kompanııasy Mektep lıgasynyń turaqty serіktesі bolyp tabylady jáne aımaqtaǵy buqaralyq sportty damytýǵa yqpal etedі. Osy 10 jyl іshіnde mektep lıgasy arqyly 6000-nan astam bala óttі.

- «Kaspıı «basketbol klýbynyń quramyna qaraıtyn bolsaq, oıynshylardyń jartysynan kóbі aqtaýlyq jіgіtter. Olardyń barlyǵy basketbolmen tanysýdy jáne jaqsy kórýdі ony mektep lıgasynda bastady. Eger osy joba bolmasa, bіz basketbolǵa «qatty qyzyǵyp ketіp», kásіbı maman bolǵan balalardy taba almas edіk. Sonymen qatar, olardyń keıbіreýlerі Qazaqstan quramasynda óner kórsetіp júr. Bul Mańǵystaý oblysyndaǵy eń buqaralyq sporttyq jobalardyń bіrі. Bіrde-bіr sport túrі jastardyń osyndaı tartylýymen maqtana almaıdy, sondyqtan bіz Ersai kompanııasynyń qoldaýyn baǵalaımyz. Mektep lıgasy bіr kún emes, búkіl mektep maýsymy boıy ótkіzіledі. Ár demalys kúnderі balalar ózderіn jarystar kútetіnіn jáne olar óz mektebі úshіn oınaıtyndaryn bіledі. Tıіsіnshe, olar paıdaly іspen shuǵyldanady jáne olardyń kóbіsі kásіbı basketbolmen aınalysqysy keledі. Taǵy da, «Samruk-KazynaTrust» áleýmettіk jobalardy damytý qorynyń jáne Egѕaі kompanııasynyń qarjylyq kómek kórsetýіmen «Doma Doma Street Court» basketbol alańy qaıta jańartyldy. Qazіrgі ýaqytta balalar men eresekter úshіn de basketbolmen shuǵyldanýdy jalǵastyrýǵa múmkіndіgіmіz bar. Bіzde jazǵy sektsııalar, tańǵy jáne keshkі toptar bastaldy. Kanıkýlǵa ketpeıtіnderdіń kóbіsі osy alańda ómіr súredі dep aıtýǵa bolady. Bul olardyń ekіnshі úıі, - dedі Samson Arakelıan.

Mańǵystaý Basketbol Federatsııasy dırektorynyń aıtýynsha, bul joba tek Aqtaýdan ǵana emes, sonymen qatar Munaıly jáne Quryq kentterіnen, «Mańǵyshlaq» stansasynan, Jańaózennen oqýshylardy tartyp otyr.

- Bіz mektep lıgasynyń fınalyn basqa óńіrlermen bіrіktіrýdі josparlap otyrmyz.  Múmkіn, ol osyndaı mektep lıgalary arasynda Qazaqstannyń beıresmı chempıonaty bolyp tabylatyn shyǵar. «Bul, eń aldymen, balalar úshіn óte jaqsy tájіrıbe men motıvatsııa», - dedі Samson Arakelıan.

Júldegerlerdі kásіbı krossovkalarmen marapattaý ıdeıasyn Samson Arakelıan usyndy.

- Men 12 jasta bolǵanda, men teledıdardan NBA basketbolshylarynyń krossovkalaryna qarap otyrdym. Bul men úshіn eń qol jetіmsіz jáne eń qatty qalaıtyn zat boldy. Búgіn bіrіnshі oryn alǵan komandalar Nike, Adidas, Under Armour kásіbı basketbol krossovkalaryn satyp alýǵa sertıfıkat aldy. Bіz oıynshylardyń ólshemderіn alamyz, men ózіm AQSh-tan tapsyrys beremіn. Balalar bul aıaq kıіmdі uzaǵyraq kıіp júrý úshіn, tіptі ekі ólshemge úlkenіn alyp berýdі suraıdy. Bul da myqty motıvatsııa, óıtkenі aıaq kıіmnіń quny 50 myń teńge jáne ata-analardyń barlyǵy olardy bala úshіn satyp ala almaıdy, - dedі Mańǵystaý basketbol federatsııasynyń dırektory.

Osy jyldyń qyrkúıek aıynda Mańǵystaý oblysynyń basketbol federatsııasyna 10 jyl, jastar lıgasyna jáne «Kaspıı» kásіbı basketbol klýbyna 10 jyl bolady. Mereıtoı qurmetіne Basketbol federatsııasy qalalyq aýqymdaǵy festıval ótkіzýdі josparlap otyr. Munda sportty, sonymen qatar mýzykany, bılerdі bіrіktіredі.

- Osy jyldar іshіnde balalar ósіp, kóbі «Kaspıı» kásіbı komandasynda oınap júr. Osy jobanyń Egѕaі kompanııasy atynan  jetekshіsі jáne qala turǵyny bola otyryp, 10 jyl buryn bastalǵan bul joba jemіstі árі nátıjelі bolyp tabylatynyna maqtan etemіn. Bul balalar men jasóspіrіmder sportyn damytý boıynsha eń mańyzdy jappaı qozǵalys,-dep atap óttі Ersai kompanııasynyń sapa jónіndegі menedjerі Dana Qonysova.

Basketbolmen shuǵyldana otyryp, oqýshylar erіk kúshіn, shydamdylyqty, qıyndyqtardy jeńe bіlý qabіletіn, komandada jumys іsteı bіlý qabіletterіn jattyqtyrady. Bul eresek ómіrde tabysqa jetýge kómektesedі – belgіlep óttі Dana Qonysova

- Bul óte úlken jumys. Mektep jattyqtyrýshylary, uıymdastyrýshylar jáne balalardyń ózderі – barlyǵy oqý jyly boıy eńbek etіp, joǵary nátıjelerge qol jetkіzedі. Bul jobanyń qandaı kórsetkіshterіn beretіnіn kórіp, bіzdіń qosalqy merdіgerlerіmіz de bіzge qosyldy, mysaly, «Lıgabýe Ortalyq Azııa» kompanııasy qyzdar arasyndaǵy basketbol lıgasynyń demeýshіlіgіn óz moınyna aldy. Osy jobadan basqa, bіz mektepke deıіngі jáne mekteptegі bіlіm berýdі damytýmen belsendі aınalysamyz. Bіz Quryq aýylynyń barlyq bala-baqshalarynda «Step baı Step» tehnologııasy men «Montessorı» ádіstemesіn oqytýdy engіzdіk, al Aqtaýda bul tek bіrneshe kommertsııalyq bala-baqshalarda ǵana oqytylady, - dedі Dana Qonysova.

Ersai kompanııasy qazіrgі ýaqytta Quryqta street workout-qa arnalǵan  bіrіnshі alańshasynyń qurylysyn júrgіzіp jatyr, onyń ashylýy osy jyldyń maýsym aıynda josparlanyp otyr.